Iets goeds?

Julle sal onthou dat ons gesê het ons moet op God bedag wees, na God op soek gaan.  God is hier.  God is nog te vinde.  Die mees algemene plek om God te kry, is by jou sonde.  Sonde is al die plekke waar jy God kruisig en seermaak.  Natuurlik is waar liefde is, vir seker die béste plek om God te vind, dog liefde is so skaars soos hoendertande.

Maar daar is ook ʼn ander kant van hierdie saak.  Dit verg Jesus om hierdie ander kant vir ons te wys, want as Hý dit nie gewys het nie, sou ons dit nooit kon raai nie.

Gaan soek vir God.  Wat dink jy kan die ander kant daarvan wees?

Soek God?  God soek jou.

Klippe kry vlerke.

 

Johannes 1 : 43 tot 51

20 Januarie 2019, NHKA Kampersrus

Epifanie.


Continue reading “Iets goeds?”

Advertisements

Oeps! Foutjie. . .

Waar gaan jy na God op soek?  Waar vind jy vir God?

God gun ons nog tyd.  Die nuwe jaar is in volle swang; 2018 verby.  Maar Kersfees 2018 geld nou nog.  God het gekom om te bly.

Photo by Oliver Sjöström from Pexels

Maar dis tog vreemd dat namate ons van Kersfees af die jaar in vorder, hoe minder, so voel dit, kry ons met God te doen.  Ons gaan doodgewoon aan, soos doodgewone mense maar maak: op ons eie.  Iewers tussen die duiwel en die blou see, is ons skielik alleen.

Gaan ons ooit na God op soek?

Waar gaan soek jy?

Wat verwag jy om te kry?

By wie gaan jy kersopsteek?

En as jy vir God sou vind, wil ek weet, waar het jy Hom toe gekry?

Dis Epifanietyd op ons kerkkalender.  Dis die tyd na Kersfees, die tyd waarin, noudat ons weet God is hier, ʼn mens vir God op die uitkyk is.  Want jy kán vir God agterkom.

 

1 Samuel 28 : 4 tot 25

13 Januarie 2019, NHKA Kampersrus

Epifanie.


Continue reading “Oeps! Foutjie. . .”

Hit the road Jack-ie and Darryn.

Hier by My is ‘n plek waar jy op die rots kan staan. As Ek in my magtige verskyning verbykom, sal Ek jou eers in ‘n rotsskeur sit en jou met my hande toemaak totdat Ek verby is.

Gaan saam met my.

Hierdie huwelikspreek is in Engels geskryf, vir die verbintenis in die eg van Jackie en Darryn Rabec.  Hierdie is daardie oorspronklike Engelse erediens.

Dis ook in Afrikaans op hierdie blog gepubliseer as “Wys my jy’t my lief.”  Die Afrikaanse weergawe is intussen gebruik vir een ander huweliksbevestiging, en die basiese idee (nie die volle teks nie) is deur Christine gebruik by haar maats se troue.

Maar die onderhawige Engelse weergawe is die eerste gestalte daarvan.  Dit kom wel nou eers hierheen, want die troue is op Saterdag 5 Januarie 2019 gehou.

Soortgelyk aan die situasie wat ek skets in die voorwoord van die preek “Wys my jy’t my lief”, emigreer hierdie egpaar onmiddellik na die buiteland. Vandaar die reismetafoor.

Eksodus 33

5 Januarie 2019, Mont aux Sources

Huweliksbevestiging. Darryn and Jackie Rabec.


Continue reading “Hit the road Jack-ie and Darryn.”