Radikale rewolusionêre transformasie.

Monarch Butterfly emerging from it’s chrysalis

Of net hervorm, hervormend en hervormd. . .

“Radikale rewolusionêre transformasie.”  Dis nie juis woorde waarvan ons hou nie.  Dis politieke jargon, en die taal van populiste.  Dis die taal van onlus, moord, brand en roof, van kriminele en kommuniste.

Ons was in die negentigs ergerlik oor die politiek van destyds die woord “hervorm” by ons kom vat het.  “Hervorm, hervormend en hervormd,” dis nou weer woorde waarvan ons hou, maar dan in kerklike konteks.

Dit krap om, maar die twee stelle woorde oorvleuel.  Iewers in beide is verandering ter sprake.

Hier in die kerklike jaar waar skepping en onderhouding aan die orde is, wil ons voel wat geskep is, hou vir ewig, en wil ons seker wees God sorg sonder ophou en op dieselfde maniere.  Namate die mensgemaakte wêreld om ons ineenstort, wil ons gerus wees dat God se skepping sal hou.

Die kort Bybelboekie takel soos ʼn kuberkraker ons houtgerustheid af.  Dis radikaal en rewolusionêr en transformeer verby.

Filemon.

8 September 2019, NHKA Kampersrus

Skepping en onderhouding.


Continue reading “Radikale rewolusionêre transformasie.”

Advertisements

Moeg.

As die pad te lank word.

In die kerklike jaar, vier ons nou die skepping en hoe God alles onderhou.

Dis ook “amptelik” lente.

Ek weet dit werk nie regtig so nie, dat jy die seisoene aan datums gehoorsaam kan maak nie, maar daar is iets teleurstellends aan hierdie tyd van die jaar.  Dis nooit op lentedag lente nie. Òf die lente kom laat, òf te midde van alles wat blom, bloei mense uit, want die winter in hulle wil net nie endkry nie.

Die Engelse sê, en ons praat maklik saam, tyd en getye wag op niemand.  Maar ek het eendag op die harde manier geleer God stop die bus met ons almal daarin sodat net een mens kan opklim, en soms wag God nog met ons by die busstop vir die ou om op te daag.

I Konings 19 : 1 tot 16.

1 September 2019, NHKA Kampersrus

Heilige Gees. Skepping en onderhouding.


Continue reading “Moeg.”

Die skrale slaagsyfer van genade. (Gemeet aan dank.)

Jesus mors met genade.  Jesus deel genade uit aan mense sonder om vrae te vra, en maak mense gesond sonder om uit te vis wie jy is en of jy lid is van dié “mediese fonds.”

Ook maar goed so, want met betaling is ons so suinig, God weet daar is weinig kans op wins uit dié kwistige belegging in ons. As jy vooraf al weet die beste waarop jy kan hoop, is om net 10% van die kapitaal wat jy oorspronklik belê het, terug te kry, is die gat in die matras ʼn beter bank.

Dit skrik God nie af nie.  As net 1 uit elke 10 van ons glo, is God bly. Teen ʼn gewaarborgde verlies van 90% van inset, sou nie een van ons ʼn belegging in die koninkryk van God gewaag het nie.

Aan die ander kant, ons belê in Afrika.  En dit klink vir my God kén Afrika!  God mors hier met genade soos ander mense hier mors met ons geld. Vreemd nè, hoedat dit hier by ons lyk, op ʼn druppel water lyk, nes die koninkryk van God!

Afrika is nogal ʼn goeie metafoor vir die koninkryk van God: die gapende keelgat van ʼn honger voël in ʼn nes.  Nee, dit keer God nie.  God wys dit uit, dat ons dit kan agterkom.  Maar dit bring God nie van stryk nie.  En God neem ook nie net verlief nie, aanvaar nie maar gelate dat ons gulsig vreet nie.  God hou met ons aan, voer ons soos ʼn pa en ma, oorlaai ons met hartlikheid.

Lukas 17 verse 11 tot 19

25 Augustus 2019, NHKA Kampersrus

Heilige Gees. Dank na Nagmaal.

En nou, sommer so tussen ons: Ek wou ʼn dankdiens vir Nagmaal maak, en het die klassieke “dankteks” daarvoor gekies, daaroor gaan lees, gerus gevoel en toe ʼn liturgie gebou.  Nou, na ʼn week se nadenke (ek skryf hierdie nota om vyfuur op Sondagoggend) oor onder andere die konteks (naas Lukas 16), vermoed ek die teks gaan oor meer as “dankbare godsdiens” en voel dié preek én sy liturgie nie oral nommerpas vir die teks nie!


Continue reading “Die skrale slaagsyfer van genade. (Gemeet aan dank.)”