Bly stil! (Hou jou mond!)

IK kraai koning. Tot op die Dag van die Here.

Bly stil!  Hou jou mond!

Dis die Here se dag.  Nou praat God.

Alles kom tot ʼn einde.  Ons is aan die einde van die kerklike jaar.

Daar kom ʼn tyd dat God ʼn einde maak aan alle mense en dinge en gebeure.  Net so maak God ʼn einde aan sonde.

Dit doen Hy op wat die profete van die Ou Testament noem “die Dag van die Here.”

En móói is daai dag nié.

Sonde toe ook nie.

Wie glo, sal wel behoue bly.

Geloof behels dat ons oor sonde eerlik is.

Sefanja 1 : 2 tot 18, 3 : 16 tot 20

19 November 2017, NHKA Kampersrus

Eskatologie. Die Dag van die Here

Met dankbare erkenning aan Walter Brueggemann, waarop ek vandag swaar leun.


Continue reading “Bly stil! (Hou jou mond!)”

Advertisements

God se eregas

pexels-photo-357138
Foto: https://www.pexels.com

Die Here is my herder; ek sy eregas.

Daar moet goeie rede wees vir waarom ons by dood hierdie Psalm opsoek.  Iemand noem die Psalms:

“die asemhaling van die gelowige: die intrek van die lewegewende asem van God se Woord en die uitblaas van uitgediende menslike vrae, vrese en nood”.

Maar presies wát dit aan dié Psalm is wat ons vandag weer aantrek, is nie sommerso ooglopend nie. Ek verwonder my eintlik daaraan dat ons telkens hierdie psalm kies, want wat daar staan, weerspreek wat ons vandag alweer beleef.

Psalm 23

17 November 2017, NHKA Kampersrus

Begrafnis, Troosdiens: Martin Bekker

Vooraf

Martin Bekker is een van die oorspronklike Hoedspruiters.  Baie ken hom.  Baie ken hom al lank.  Die Martin wat ons ken, laat met sy dood ʼn gevoelige leemte.  Die skare wat ons vandag is, getuig van hoe diep hy ons geraak het.  Ons het vandag ʼn seerplek wat boekdele spreek van ons hoogagting en deernis vir Martin.

Ons is hier vir die Here se salf op die wond wat die dood los.  Wilma en die kinders het gevra dat ons vandag die Here aanroep en dien soos wat Martin dit sou wou doen:  Met sy gunsteling liedere, en met Psalm 23.  Martin wou hê dat ons hom in sy dood aan die Here opdra, nes hy hom in sy lewe aan die Here gewy het.

Vandag praat ons met die Here oor Martin, en praat God met ons oor hoe kosbaar mense vir Hom is.

Continue reading “God se eregas”

Voetstoots

Ons is voetstoots om die tafel.

Voetstoots, vuil voete en al, laat Jesus ons aansit.

Wat Jesus dan met ons vuil voete doen, is simbolies, nes nagmaal.

Jesus gee Homself aan die dissipels geskenk.

Hy verwag nie jy moet skoon wees voor jy aansit nie. Hy gaan jou hier was. Kom nes jy is, voetstoots.

Johannes 13 verse 1 tot 17

12 November 2017, NHKA Kampersrus

Koninkrykstyd. Eskatologie.


Continue reading “Voetstoots”