Geraamtes in die gemeente se kas

Hoor jy die magtige dreuning?

Daar’s ʼn swartgalligheid onder ons.

Ons het baie goeie rede vir swartgalligheid.  Trouens, om te wil beweer dat wat ons wanhopig maak, eintlik nie so erg is nie, is om met oogklappe aan te loop: Dis selfs nog erger as wat ons dink.

Het ons nog goeie rede om te hoop?  Is hoop so ʼn oogklap?

Het dit tyd geword dat ons besef ons staan met ons rugge teen ʼn muur en is gepaste optrede dalk om te besluit of opgee en vlug of laer trek en veg die beste ding is om te doen?

Ek was hierdie week tussen mense wat hulle aan die swartgalligheid oorgegee het.

Sê nou ons sou op God reken; watter verskil kan geloof maak?  Is geloof ʼn oogklap?

Dis waar dat ons in gevaarlike tye leef.  Nuusbulletins het die week gepraat van ʼn Derde Wêreldoorlog, na die chemiese aanval in Sirië.  Maar, het die omroeper ook tereg gesê, dis baie ver van ons af.  Dog ons is nie minder wanhopig nie.  Ons stryd hier is met onsekerheid, met rassehaat en volksmoord en grondgrypery;  en teen ons eiegeregtigheid, ons eie gierigheid,  eiebelang en verknegting aan aardse goed.

Pasop dan vir oogklappe.  Vra vir oë van geloof wat moet oopgaan en laat sien dat geen goed of kwaad toevallig is nie.

Esegiël 37 : 1 tot  14

15 April 2018, NHKA Kampersrus

Opstanding


 

 

Continue reading “Geraamtes in die gemeente se kas”

Advertisements

Los Mý, gaan kerk!

Appearance of Christ to Mary Magdalene

Maria van Magdala kry vir Jesus tussen grafte in ʼn tuin.

Jesus leef.  Jesus het opgestaan.  Ek het die Heer gesien.

Dis die eerste weergawe van die Goeie Nuus.  Dié boodskap versprei soos ʼn veldbrand.  Party skrik, ander begin Hom soek.  Dit lei tot opgewondenheid en onrus, tot gespot en geloof, tot twyfel en verbystering, tot kerk en geweld.

Dis ʼn vreemde berig wat die ronde doen, daarom:  Fopnuus of waarheid?, dis die vraag. Beter gesê:  Kan ʼn mens regtig ʼn vrou vertrou?

Haar naam is Mirjam of, vergrieks, Maria.  Omtrent ʼn kwart van alle Joodse vroue is so genoem, sodat haar naam nie duidelik genoeg sê van wie jy praat nie.  Sy kom van Magdala af; Maria van Magdala.  Maria Magdalena, so leer ken ons haar, die kerk se eerste dominee.

Johannes 20 : 1 tot 18

8 April 2018, NHKA Kampersrus

Opstanding

Continue reading “Los Mý, gaan kerk!”

Hier en nou: Wees verras!

God verander nie.  Maar ons weet van God nog eintlik niks.  Leer!

Vrydag het God ons wêreld geskud.  God is dood.

Vandag doen God dit weer.  Jesus leef.

God wat nooit verander nie, verwar ons, want ons weet van God nog eintlik net mooi niks.  Genoeg, darem, maar bitter min.

Maar ons is met sekerheid van wat ons weet, so behep, dat ons kwaad word as God ons verras, woedend as God ons verwar.

Ons leer nie.

Wel, as God jou nie meer kan verras nie, as God jou nie onkant kan betrap nie, as God nie jou tafels kan omgooi en jou stukkie aarde skud nie, is jy god van jou eie wêreldjie.  Klim van jou troontjie af, en maak jou gereed vir heerlike, morsige genade wat jy nie kan voorspel nie en waarvoor daar geen voorskrif of verduideliking is nie.

Kyk, Jesus leef! As jy dit kan verklaar, weet jy meer as selfs die kerk.

Romeine 3 : 21 tot 26

1 April 2018, NHKA Kampersrus

Opstandingsondag


Continue reading “Hier en nou: Wees verras!”