Gedans én gehuil.  Geëet én gedrink.

Die God van vrate en wynsuipers, én van mense wat net sprinkane kan bekostig.

Of: Ordentlikheid is bedrog.

Daar is nie net een manier om die Here te dien nie.

Daar ís natuurlik ook dwaling én waarheid.  Maar dit ís so dat waarheid jou vrymaak, en jou eindelose moontlikhede bied vir hoe om mens voor- en mens by God te wees.  Vanmôre hoor ons die Here sê:  Kies een, of kies ‘n ander een.  Maar kom tog net aan die gang.

Dien die Here!

 

Matteus 11 : 16 tot 19 / 24

19 Januarie 2020, NHKA Kampersrus

Epifanie.


Continue reading “Gedans én gehuil.  Geëet én gedrink.”

Speels

Speel!  God speel saam.

Spel is nie net kompetisie nie.  Inteendeel, kompeterende spel is sport, en nie meer speels nie.  Maar moet spel, blote deelnemende spel, nie vlak vat nie!  Jy leer speel-speel leef.  Spel is ‘n leerskool vir lewe. Nie net kinders leer speel-speel die lewe leef nie, ons almal kan, en leer is nou die een ding waarmee ons nooit in ons lewe moet ophou nie. En wat kan lekkerder wees as om  speels te leer? Dit werk mos so: Die verbeelde wêreld van ‘n speletjie, word ‘n lens waardeur jy die werklikheid bekyk.  Dis verrassend hoe ‘n speletjie die waarheid praat en die betekenis van die werklikheid aan jou verduidelik. Hou maar spelende kinders dop as jy wil agterkom wat by hulle huis aangaan.

Toe wonder ek nou of ‘n mens in die gemeente nie ook saam ‘n speletjie kan speel nie?

Continue reading “Speels”

Geniet God!

God speel. Speel saam!

Wat ons móét doen, is om God te geniet.  God speel, en nooi ons om te kom saamspeel.  Ons is al spelend op ons gelukkigste, waarom dan uitsit? Ongelukkig is om te kom saamspeel, nie altyd maklik nie.  Òf die groot ouens boelie jou, òf jy word altyd heel laaste vir die span gekies, en dan het elke speletjie ook nog sy eie reëls ook.

Maar kinders moenie tande tel nie, hulle móét loop speel.  Só is dit met ons ook:  Hiér kan ons  nie heel week bly sit nie, al voel dit God is hier die naaste.

Om te speel is, nes om te lewe, iets wat ‘n mens léér doen, want vanself kom dit nie.  Om te kom speel, moet jy eers jou vrees oorwin.   Want spel is van bang wees die teenoorgestelde.  En ‘n mens speel ook nie as jy kwaad is nie. Alewig bang en kwaad, kan jy ook nie lewe nie.

Psalm 104.

12 Januarie 2020, NHKA Kampersrus

Na Nuwejaar.


Continue reading “Geniet God!”

Moenie bang wees nie.  Speel!  Jy mag maar.

Gebrande Toast
Watter een lyk die meeste na jou erediens?

God speel saam.

Net omdat die jaar ‘n nuwe nommer het, beteken nie ons is in die hemel nie, en dat alle smart en swaarkry sommerso verdwyn nie.  Al waarborg wat ons wel het, is dat sonde maar weer alles kan en sal bederf.

Wat ons kán doen, is om ten minste seker te maak ons geniet vir God.  Ja, jy het reg gehoor, jy kán vir God geniet!  Trouens, God sê jy móét.  Onthou verlede week se Filippense:  “Wees bly, wees altyd bly in die Here!”

Vanjaar gaan ons leer bly wees.  Ja, ongelukkig is dit iets wat ‘n mens moet leer doen, want vanself kom dit nie.  Om bly te word, moet jy eers ophou bang wees.  Wat is lekkerder as om bly te wees?  Die kerk is van alle plekke in die wêreld die een waar blydskap moet kan hou, al is al’s elders maar droewig.

Ons gaan leer speel.  Speel is amper presies die teenoorgestelde van vrees.  God hou daarvan dat mense bly is.  En niks maak mense so bly soos om te speel nie.  God hou ook van speel.  God speel graag met sy skepping, en God hou veral daarvan om saam met mense te speel.  Leer my dans!, vra hierdie lied, want dans is speel.  Leer my dans op die maat van die ritme van God se hart.

Eksodus 3 : 1 tot 6, Matteus 28 : 1 tot 5.

5 Januarie 2020, NHKA Kampersrus

Na Nuwejaar.


Continue reading “Moenie bang wees nie.  Speel!  Jy mag maar.”